علم دولتك : عدد المساهمات : 656 نقاط : 11330 السٌّمعَة : 45 تاريخ الميلاد : 16/10/1992 تاريخ التسجيل : 31/05/2009 العمر : 31 الموقع : www.hipo.yoo7.com العمل/الترفيه : الصيد المزاج : هادئ
موضوع: طريقة جميلة وخفيفة لحقظ القرآن الخميس أغسطس 11, 2011 4:45 pm
السلام عليكم مساءكم خير وبركةاللي بأتكلم عنه الآن ماتحمست حقيقة اني اكتبه او اتكلم عنه إلا بعد رسالة شكر شفهية وصلتني من اختي ومن بنتها.. كنت اعتمد طريقة في حفظ القرآن ونفعتني كثير وسهّلت علي الحفظ ونتائجها بالنسبة لي ممتازة ، وبما أن بنات اختي في مدارس تحفيظ القرآن كانت تشتكي من صعوبة حفظ وحده منهم .. ومدارس التحفيظ مقرراتهم في الحفظ طويلة ويبي لها متابعة وحفظ بشكل يومي ، وهالبنيّة متبهذلة مع هالحفظ .. مالكم بالطويلة قلت هالطريقة لاختي والحمدلله كانت النتائج مذهله بالنسبة لها ولبنتها ، تقديرها في الحفظ صار ممتاز وبدون اي غلط ماشاء الله تبارك الله.. وهي العاده تدخل شيئاً من التوراة وبعض السوالف وسط الايات الطريقة تعتمد على تقسيم الصفحة او الوجه لثلاث او اربع او حتى خمس مقاطع على حسب الحافظ وعمره وسرعته في الحفظ .. طبعاً التقسيم فقط مهوب طريقة فعّالة للحفظ .. بيحفظ القسم الاول والثاني والثالث واذا بدأ في الرابع بيلخبط في الاول وهكذا طريقتي كانت ان آخر آية في القسم الاول تكون أول آية في القسم الثاني وآخر آية في القسم الثاني تكون أول آية في القسم الثالث ..الخ طبعاً هالطريقة عشان اربط اقسام الصفحه ببعضها في الحفظ .. كلنا نحفظ سورة الحمد .. احد جرب يقرأها نظر ؟ ممكن يحس ان فيه لخبطه لإنه تعوّد قراءتها حفظاً في كل صلاة وصارت الايات مترابطه ببعضها على لسانه وفي حفظه ولو طمر آيه للآيه اللي بعدها حس انه غلط غير لو أنه يقرأ في سورة اول مره يحفظها .. يمكن يغلط ومايحس .. شكلي ماعرفت اوصّل اللي ابي لكن الزبدة .. بتكون آخر آية في الجزء هي حلقة الوصل مع الجزء اللي يليها وفي تلاوتها حفظاً بيكون متعوّد عليها اللسان والعقل وبتسلك معه <- بدت العربجة هذي صورة لوجه من القرآن للطريقة قسّمت فيها الوجه لثلاث اقسام وهي مناسبة للأشخاص مابين 13 – 26 سنة > بدا يتفلسف .. امزح لاتصدقون
مثل ما وضحّت لكم في المقطع الأول من الوجه ، من الآيه 18 إلى الآيه 22 ، يكرر المقطع هذا لمّا يحفظ تماماً وبعدها ننتقل للمقطع الثاني
بعد مايتم تثبيت حفظ المقطع الأول ننتقل للمقطع الثاني اللي بتكون أول آيه فيه هي آخر آيه من المقطع الأول ، يعني الآيه 22 بتكون حلقة الوصل بين المقطعين ، لإنه مثل ماذكرت بداية كلامي طريقة الحفظ هذي تعتمد على تسلسل الآيات (حفظاً) في الذهن وهالطريقة اعتقد ومن تجربه هي الأنسب لحفظ القرآن وتثبيته بعد إعانة الله وتوفيقه ، المقطع الثاني الآن من الآيه 22 إلى الآيه 25 ، يحفظ ويتم تركيز الحفظ على هالمقطع بدون الرجوع للمقطع الأول او تكراره ، لمّا يتم تثبيت حفظ المقطع الثاني وقبل الإنتقال للمقطع الثالث من الأفضل مراجعة المقطع الأول والثاني لتأكيد الحفظ وتثبيته أكثر وبيلاحظ من يراجع أن لسانه اندرج في التلاوه حفظاً بشكل تلقائي في تلاوة المقطعين وكأنه يقرأ مقطع واحد .. وبرضو بديت احوس بالشرح لذلك بأوقف وننتقل للمقطع الثالث
الآن المقطع الثالث من الآيه 25 إلى الآيه 27 ونفس ما صار في المقطع الثاني .. آخر آية من المقطع الثاني هي أول آية من المقطع الثالث ، يعني صارت الآيه 25 هي حلقة الوصل بين المقطعين الثاني والثالث ، بعد ما يتم تكرار المقطع الثالث وحفظه تماماً يُراجع الوجه كامل و بيحس من يراجع انه يقرأ سورة الحمد من سهولة في ربط الآيات وعدم الخطأ فيها او نسيانها .. بإذن الله يعني الطريقة هذي ومن شرحي بيظهر لكم انها تاخذ وقت و متعبه ، لكن فعلياً تاخذ وقت أقل في الحفظ وأسرع وأكثر تثبيتاً بإذن الله< دعاية عطر بس أنا فصّلت في الشرح واجد عشان اضمن انكم تفهمون وش اقصد * اذا قسّمت الوجه لعدة اقسام اعط كل قسم حقه في الحفظ ولا تنتقل للقسم اللي بعده الا بعد ان تتأكد من حفظك له جيّداً .. أحفظ لوقتك وأثبت لحفظك. * اذا تم الانتهاء من الوجه الأول وعند الانتقال للوجه الثاني ، تكون آخر آيه في الوجه الأول هي أول آيه في الجزء الأول من الوجه الثاني ، استمرار لنفس عملية المقاطع في الوجه لكن بين مقطعين في وجهين مختلفه ، يارب فهمتوا . اتمنى هالطريقة تفيدكم ولا يحرمني ربي ولا اياكم الأجر ، ولا تحرموني و والديَّ من دعوة صالحة سلام عليكم
الخميس أغسطس 11, 2011 4:45 pm
.